شان تلقى لي قلبي السبيل

اسمعني ماتقول مستحيل
جاوبني ماتشوف البديل
قبل ما يجيك الرحيل
خليني اديك الدليل
شان تلقى لي قلبي السبيل
**********
يمكن بعد كل الخصام
نلقى بوابة الامل
نتلاقى زي اسراب حمام
نتناسى بس كل الحصل
نبدى صفحة من الوئام
ونتهنى بي طعم العسل
تبدى العيون من غير كلام
تحكي عن قصص الامل
وتبدى في الروح الحياة
وتبدى قصة ريدهبل
**********
لو نبدى بس زي الطيور
نجتاز افاق الخيال
انشاء كان نجتاز بحور
في عينيك انا بلقى الجمال
*******
نتلاقى في عز المساء
انا وانتا والليل والسمر
نتناجى في ضل الغمام
ويشهد على غرامنا القمر
او نمشي في عز الاصيل
نتلاقى جمب شط البحر
نتحدى اهات الزمان
نتصدى لي حكم القدر
*******
انا راجية ردك ودا المحال
بس عايشة في دنيا العشم
صدقني اوعى تقول خيال
اوحتى من صور الوهم
من جفى قلبك دلال
ومن سحر صوتك نغم
اني انساك دة المحال
وبداية اهاتي والم
*********
يمكن في قسوة قليبك
حبة حنان ذرة عشق
وانا راجية من صمت الزمان
القاك هناك مليان الق
انا من زمان جوة بحورك
واتجاوزك اخطار الغرق
**********
ريدي ليك فات الحدود
عايش حلم يفضل معاك
محبوس جواك من غير قيود
ما لاقي ليو سجان سواك
**********
كايس معاك عن بر امان
فاقد حنان محتاج سبب
يفضل حزين من غير رؤاك
وما بشيل عليك اي عتب
ياليت نكون كتلة غرام دمعة فرح
في عين قلب
وتسمع انين روحي المعذبة بي هواك
ونكون سوى نمشي لابعد مكان
ونعيش هنا ونعيش منى ونكون هناك
بعد نوصل هناك ننسى كل معاناة التعب
*************
ا سمعني ماتقول مستحيل
جابوني ماتشوف البديل
قبل ما يجيك الرحيل
خليني اديك الدليل
شان تلقى لي قلبي السبيل
*********