هل تثق بمن تحادثه في النت؟؟؟

اول حاجه مشكوور على الموووضوع المهم ده
تاني شي ممكن تعمل صداقه مع اي زووول لو انتا ارتحتا للكلموو وطريقه مناقشتوو وكده اما من قصه خداع ما خداع بتحس انو الزووول ده بغشك وممكن تكون الصداقه اكبر من الصداقه المن ايام الاساس الهي اقوي صداقه واكيد اي زوول بقى صحبك شديد حتحكي لي اي شي وممكن يساعدك هوو زاتوو لكن اول ايام ما يحكي لغايت ما يشووف بنفع صديق ولا لا


تقبل مروووري وتحياتي

اخووك خالد

حقيقه دا موضوع مهم
و انا من راي الحاجه دي بتختلف من زول للتاني
في ناس انت ممكن تكون بترتاح ليهو ما بتحس انو بغشك
بحكي ليك اخبارو بسال منك طوالي
انت بتحس انو الزول دا ما في نواياو شي غير الصداقه او ما داير اغشك او يستهبل عليك بعد دا انت بتيدا تتعامل معاهو كاخ او صديق بعدا داك العلاقه ممكن تتطور وانا عارف الناس النوايام حسنه بقو بساط الايام دي لكن في طبعا

تقبل مروري اخوك شيفا الغرام

صراحة انا وحدة من الناس عندي قاعدة في حياتي كل انسان طيب مالم يظهر غير كدا
لكن اتغيرت هسة لانو زيما قلتا يمكن يكون بغش
لكن من وجهة نظري انو النت دة زي اي مجتمع تاني في الصالح والطالح والواحد بختار بي حذر وببني تعاملو مع الناس بي حذر لكن بي الجد في ناس بتلاقيهم مافي بينك او بينهم اي معرفة او علاقة ولا كنت بتحلم في يوم من الايام انك تلاقيهم والله بترتاح ليهم عديل وبتفتح ليهم قلبك وبتحس انو الواحد صادق لانو انا في نظري انو الكذب بالكتابة زي الكذب بالكلام
ماف اختلاف وانت بتقدر تميز الكزاب من الصادق
والعلاقة عن طريق النت انا بقول انها احسن من العلاقات في الحقيقة لانو البتلاقيهو في النت دة لمن اصاحبك بصاحبك لانك انت ما عشان شي تاني
وممكن تتطور العلاقات وتتوطد اكتر
وفي النهاية
دي وجة نظر تتقبل الصواب والخطا
ومشكور على الموضوع الطيب