وجع البعاد...

زادت مسافات البعاد
وانا قلبي عطشان للحبيب
رسلتا لي طيفو السلام
ومعاهو رسلتا القليب
اقول ليهو ولهانتك هناك
مابتلقى من حالها العجيب
عيانة من زمنا بعيد
ودواها ما عند الطبيب
اتفتت ليها الحجار
واتاسى لي حالها الغريب
حتى القمر زعلان مضلم
والشمس رافضة المغيب
اصلو الوصال زايد عليها
والقدر ما داير اسيب
******
يارب اكون وصلك سلامي
شان ارتوي قليبي واطيب
والله جد مجنونة بيك
ماف شك او حتى ريب
مشتاقة ليك والشوق عزاب
يا طير معشعش في القليب
مشتاقة ليك شوقا طويل
شوق الضيع لي امو شان جرعة حليب
مشتاقة لي حس الامان
ومشتاقة لي سكر زبيب
بس يا عيوني مع البعاد
ما بتلقى من قلبي البعيب
والله حبي مع البعاد
ما حتلقى من قلبي البعيب